Ákvað að blogga frekar á bloggar.is - skilst að blog.central sé að hætta...

Flutt á ellymae.bloggar.is

Jæja, á miðvikudaginn er fyrsta vigtun hjá mér og þar með fyrsti dagurinn í DDV. Ohhh, hvað það verður gott.

Er annars bara að smíða mér matseðil svo ég geti verslað inn á morgun og græjað þetta allt saman til. Ætla svo að setjast niður á eftir og gera mér fyrstu markmiðin, þeas fyrir fyrstu 5 kg eða svo

Já, og gleðilegt nýtt ár allir saman Gef mér tíma í að taka bloggrúntinn á eftir

Jæja, ég fór á vigtina! Hef ekki gert það síðan ég flutti - í júní á þessu ári! Þá var ég 114kg, og er það enn í dag. Semsagt komin 13 kg síðan ég hætti á danska.

Var að reyna að setja inn svona tickerfactory línu en fann ekki út úr því. Kann ekkert á þessa aukahluti - eru þeir hættir?

Var að senda meldingu á vigtarráðgjafana um að byrja á fjarnámi 2 janúar Bíð spennt eftir svari

Kv. EllyMae

Jæja, þá er komið að því að taka sig á. Enn eina ferðina.

Ég gafst upp á danska fyrir all nokkru síðan, faldi mig bak við þá afsökun að það væri svo mikil fyrirhöfn að elda þetta allt saman og ég ætti auðveldara með að eyða tíma í að hreyfa mig bara. Auðvitað fór ég svo aldrei af stað í ræktina. Þá hafði ég misst 18 kg með hjálp DDV. Ég hef ekki farið á vigtina til að athuga hve mörg eru komin aftur á þessum 18 mánuðum.

Ég get nú samt með sanni sagt að ég notaði þessa 18 mánuði til að taka kollinn á mér í gegn og þrátt fyrir að ég hef þyngst þá hefur sjálfstraustið aukist til muna.

Þegar ég gafst upp þá var ég með mjög óreglulegan vinnudag. Í skóla. Nú er ég með mikla reglu á vinnudeginum, ræð mér að mörgu leyti sjálf og hef því enga afsökun. Ætla ekki að leyfa mér neinar afsakanir í þetta sinn.

Ég þekki sjálfa mig nógu vel til að vita að ég þarf að hafa allt 100%. Ef ég fer niður í 99% þá fer ég bara neðar og neðar þar til ég dett út. Þessvegna tók ég þá ákvörðun að byrja ekki á danska fyrr en 1. janúar 2008. Ég hef hinsvegar sett mér það markmið að þyngjast ekki frá því núna og þar til þá.

Tímann ætla ég að nota til að skipuleggja mig, fara í gegnum hugann á mér og taka til þar svo ég verði vel undir það búin þegar ég tekst á við nýtt verkefni eftir áramótin

Bið að heilsa ykkur

Kv. EllyMae